பெரும்பாலான ஐ.டி., நிறுவனங்கள் இன்ஜினியரிங் மாணவர்களுக்கே முன்னுரிமை அளிக்கின்றனர். இதனால் இளநிலை அறிவியல் பட்டம் பெற்றவர்கள், ஐ.டி., நிறுவனங்களில் நுழைவதற்கு சிரமப்பட வேண்டியுள்ளது. இந்நிலையில் முன்னணி ஐ.டி., நிறுவனமான விப்ரோ, அறிவியல் பட்டப்படிப்பை முடித்த மாணவர்களுக்காக , பிர்லா இன்ஸ்டிடியூட் ஆப் டெக்னாலஜி அண்ட் சயின்ஸ் (பி.ஐ.டி.எஸ்.,) கல்வி நிறுவனத்துடன் இணைந்து நான்கு வருட எம்.எஸ்., (சாப்ட்வேர் இன்ஜினியரிங்) படிப்பை நடத்துகிறது.
இப்படிப்பை முடிப்பவர்களுக்கு விப்ரோ நிறுவனத்தில் பணிபுரியும் வாய்ப்பும் கிடைக்கிறது. இப்படிப்பில் சேரும் மாணவர்களுக்கு, இறுதி ஆண்டு "பிராஜக்ட்' , விப்ரோ நிறுவனத்திலேயே வழங்கப்படும். இப்படிப்புக்கு, பி.எஸ்சி.,(கம்ப்யூட்டர் சயின்ஸ், ஐ.டி, , எலக்ட்ரானிக்ஸ், இயற்பியல், கணிதம், புள்ளியல்), பி.சி.ஏ., படிப்புகளில் 60 சதவீத மதிப்பெண்கள் பெற்றவர்கள் விண்ணப்பிக்கலாம். மேலும் 10 மற்றும் பிளஸ் 2 வில் 50 சதவீத மதிப்பெண்கள் பெற்றிருக்க வேண்டும்.
தேர்வு முறை: விண்ணப்பிக்க விரும்புவர்கள் http://careers.wipro.com/it/campus/india/wase.htm என்ற இணையதளத்தில் பதிவு செய்யவேண்டும். தகுதியானவர்கள் நுழைவுத்தேர்வு மற்றும் நேர்முகத்தேர்வு அடிப்படையில் தேர்வு செய்யப்படுவர். தேர்வு செய்யப்படுபவர்களுக்கு, மாதந்தோறும் உதவித்தொகையும் வழங்கப்படுகிறது.
No comments:
Post a Comment